Мінск: Логвінаў, 2007. — 216 с.
Гэтая кніга, нечаканая мне самому, адасобілася з цыклу лекцыяў
“Асновы беларускай ментальнасці”, падрыхтаванага для Беларускага
Калегіуму. Улегшыся ў адукацыйную працу, я ў нейкі момант адчуў
мусовую патрэбу выйсці за лекцыйны фармат і скінуць да адной купы
ўсё тое думанне пра Беларусь, што вярэдзіла мяне цягам доўгага
часу. Зрэшты, у гэтай эмацыйнай патрэбы была свая, уласная, логіка.
З ХХ стагоддзем скончылася і вялікая эпоха “буры ды націску”, у
выніку якой паўсталанезалежная Беларусь. Далей пачалося нешта
цалкам іншае, але ніяк не падобнае да таго, аб чым мроілася і
марылася на пачатку дзевяностых гадоў. Мы патрапілі зусім не туды,
куды імкнуліся, мы наўсцяж апынуліся не там, дзе хацелі быць. Чаму
так сталася? Кніга “Код адсутнасці” ёсць маім вымерам адказу на
гэтае запытанне.
Аўтар.
Аўтар.