Менекше Ёмер. Пейгъамберимни огренем

Анкъара: Тюркие диянет ишлери идаресининъ неширлери, 2008. — 80 c. Дин медениети ве ахлякъ бильгилери оджаларындан бир комиссия тарафындан азырланылды. ISBN 975-19-3707-8 Пейгъамберимизни танымакъ ве оны севмек энъ буюк бахттыр. Онынъ аяты биз ичюн нумюнелерге толудыр. Бу китапта Пейгъамберимизнинъ ибретли яшайышы ве Ислям динини анълатмакъ ичюн япкъан арекетлери акъкъында окъурсынъыз. Пейгъамберимиз эр шейден эвель бир баба эди. Балаларыны пек севе ве оларнен меракълана эди. Омюр аркъадашына сайгъылы ве ярдымджы эди. Аркъадашлары эр вакъытта эр иште онъа сонъсуз ишанч сезгенлер. Инсанларны яхшылыкъкъа, гузелликке, догърулыкъкъа, бильгили ве ахлякълы олмагъа ве башкъа инсанларгъа ярдым этмеге чагъыра эди. Ялан сёйлемектен, хырсызлыкъ япмакътан, адам ольдюрмектен, ички ичмектен, къумар ойнамакътан, башкъаларына зарар кетирмектен ве этрафны кирлетмектен узакъ инсанларнынъ турмакъны истер эди.