Уэллс Герберт. Вайна сусветаў (на белорусском языке)

У апошнія гады дзевятнаццатага стагоддзя ніхто не паверыў бы, што за ўсімi падзеямi на Зямлi пільна i ўважліва сочаць істоты больш развітыя, чым чалавек, хоць яны такія ж смертныя, як i ён; што ў той час, як людзi займаліся сваімi справамi, iх даследавалi i вывучалi, мабыць, гэтак жа поўна i ўсебакова, як чалавек пад мікраскопам вывучае эфемерныя стварэннi, якія кішаць i размнажаюцца ў кроплi вады. З бясконцай самазадаволенасцю мітусіліся людзi на ўсім зямным шары, занятыя сваімi дробязнымi справамi, упэўненыя ў сваёй уладзе над матэрыяй . . .