Selim Şakir. Şair bolsañ. Коль ты поэт. Поэзия

Şiiriyet. Saylama eserler сıyıntığı. — Aqmescit: Dola, 2014. — 243 s.: ill. — ISBN 9789663667362. Коль ты поэт. Поэзия. Сборник избранного. Şakir Selimniñ adı zemaneviy edebiyatımızda eñ parlaq, eñ qıymetli, eñ sevimli adlarımızdandır. Ana tilimizniñ zenginligi, temizligi, sıcağı, mecaziy cihetten baylığı eñ açıq sürette onıñ eserlerinde körünmektedir. Onıñ yaratqan bediy levhaları, obrazları, tasvir etken her bir parçası samimiyligi, sadeligi, saflığı ve añlayışlığınen ayrılıp turmaqtadır. Haqiqiy ustaznıñ özgün ve usta qalemi hem şiiriyetinde, hem nesirciliginde, hem dramaturgiyasında ve hem de tercimeciliginde açıq körünmektedir. Hem de yalıñız söz baylığı, sarf ve nahvdaki ustalığı degil de, fikir baylığı ve tasvir istidatını qayd etmelidir. Şakir Selim tilimizniñ inceliklerini, hususiyetlerini, özgünligini daima ögrengen ve terenden bilgen, onı daha da zenginleştirmege çalışqan şairimizdir. Az yazdı desek — yañlış, çoq yazdı desek de, doğru degildir. Ama qalemini edebiyatımıznıñ bütün esas janrlarında tecribe etip, her birinde muvaffaqiyet qazanmağa nail oldı.