Керим Исмаил Асаногълу. Къырымтатарджада къыйын сёзлер

Акъмесджит: Къырым девлет мюхэндислик ве педагогика университети, Къырымтатар тили ве эдебияты ильмий-тедкъикъат меркези, 2012. — с. Словарь трудных слов крымскотатарского языка. Сёзлюкке тек арапча ве фарсидже сёзлер дегиль, башкъа (аз расткельген) келиме ве ибарелер де кирсетильгендир. Бир чокъ сёзлер метинде олгъан шеклинде сакъланылды. Бир сыра изафет конструкциялары олгъаны киби къалдырылды. Бугуньки окъуйыджыгъа тиль меселеси къыйын олгъаны себебинден базы шиве сёзлери де кирсетильди. Меселя, «иркен» (эрте), «къыса» (къыскъа), «йыкъамакъ» (ювмакъ), «чакал» (шакал) ве иляхри киби. Менбалары меракълы олгъаны ве огренджилернинъ акълында къалмасы ичюн мисаль оларакъ кетирильген базы сёз ве ибарелернинъ алынма метинлери текрарланып косьтерильди. Элимизде олгъан къараламаларда исе, сёзлюкте булунгъан бутюн келимелернинъ къайнакълары бардыр. Къырымтатар миллий мектеплерининъ юкъары сыныф талебелери, къырымтатар филология факультетлерининъ студентлери, аспирант ве оджалар ичюн къулланма.