Дударова Н., Панков Н. Нэво дром. Букварё ваш барэ манушэнгэ

Москва: Центриздат, 1928. — 98 с. Романо букварё „Нэво дром“ сы стходо вашэ бара ромэнгэ,-— рикирла дре пэсте букварё и пэрво книга ваша гинаибэн. Букварё кхарла ромэн кэ буты, кэ адава собы тэ счюр, — дэс пхаро джиибэн джювлендыр дрэ семья собы тэ чюрдэс фэлдыштко джиибэн, ракирла вашэ блата и вашэ дава сыр требе тэ дыкхэс палэ тыкнэчявандэ. Саро дава сы пэрвэндыр страницэндыр дрэ тыкненька расспхэнаибэ савэ сы лэнэ ро­маны джиибнатыр и сы джиндлэ ромэнгэ. Букварё сы стходо аналитико-синтетическо методоса целонэ ловэндыр. Сыкляибэ лыджялапэ адякэ: 1) Гинэлапэ цело фраза, фраза растховэлапэ пэ лава, лав и гинэлапэ цело фраза; 2) Фраза растховэлапэ пэ лава, лав растховэлапэ пэ слоги, гинэнапэ стходэ слогэндыр нэвэ лава, а лавэндыр нэвэ фразы; 3) Лав растховэлапэ пэ слоги, слогэндыр вытховэлапэ звуко, гинэна стходэ зукэндыр джиндлэ слоги, лава и фразы. Треби, собы якха, кана и васта кэрнас буты, собы лав, слего и звуко сыс дыкхно, шундло, чиндло и стходо, вашэ дава лэнте расчиндлы азбука, ей помогискирла тэ сыклёс фэдыр и локхэдыр.