Аўтарэферат дысертацыі на атрыманне вучонай ступені кандыдата
філалагічных навук. Мінск. Нацыянальная акадэмія навук Беларусі,
Цэнтр даследаванняў беларускай культуры, мовы і літаратуры, 2013. –
28 с.
Спецыяльнасць 10.02.01 – беларуская мова.
Навуковы кіраўнік: к.ф.н., дацэнт Міхайлаў П.А.
Мэта дысертацыйнай работы: на падставе стварэння комплекснай
тыпалогіі беларускіх анамастычных слоўнікаў ХІХ – пачатку ХХІ стст.
аптымізаваць прынцыпы кадыфікацыі онімнай лексікі і спрагназаваць
вектары далейшага развіцця нацыянальнай анамастычнай лексікаграфіі.
Рэкамендацыі па практычным выкарыстанні вынікаў:
Асноўныя палажэнні дысертацыйнага даследавання, а таксама распрацаваныя прынцыпы класіфікацыі моўнага матэрыялу могуць быць выка-рыстаны ў тэарэтычных і прыкладных работах па лексікаграфіі і анамастыцы: пры вывучэнні асноўных дасягненняў замежнай і айчыннай металексікаграфіі; пры стварэнні канцэптуальнай гісторыі развіцця беларускай нацыянальнай лексікаграфіі; пры распрацоўцы ўніверсальнай комплекснай тыпалогіі лексікаграфічных выданняў; пры далейшым удасканальванні мега-, макра- і мікраструктуры лексікаграфічных прац розных тыпаў (для вырашэння праблем кадыфікацыі храналагічных варыянтаў тапонімаў, дыялектных і бытавых формаў онімаў, спосабаў фіксацыі ідэнтыфікатараў у слоўнікавых артыкулах, пытанняў прэзентацыі апісальных канструкцый, паслядоўнасці размяшчэння аб’ектнай і атрыбутыўнай частак лем і інш.); пры ўкладанні слоўнікаў анамастычнай і тэрміналагічнай лексікі.
Вынікі дысертацыі і прадстаўлены ў ёй фактычны матэрыял могуць выкарыстоўвацца пры фарміраванні перспектыўных навуковых праграм па далейшым вывучэнні анамастычнай лексікі, забеспячэнні дзейнасці па каталагізацыі геаграфічных назваў (у тым ліку і электроннай) і ажыццяўленні дзяржаўнага кантролю за складаннем нарматыўных даведнікаў і слоўнікаў (тапанімічных і антрапанімічных); пры распрацоўцы нарматыўных актаў, накіраваных на фарміраванне і рэалізацыю адзінага падыходу да найменавання і перайменавання беларускіх тапанімічных аб’ектаў.
Матэрыялы дысертацыйнага даследавання атрымаюць прымяненне ў працэсе выкладання беларускай мовы, тэорыі і практыкі лексікаграфіі ў ВНУ (пры чытанні курсаў сучаснай беларускай мовы, спецкурсаў па лексікалогіі, лексікаграфіі, анамастыцы, гісторыі мовазнаўства); пры стварэнні падручнікаў і вучэбных дапаможнікаў па беларускай лексікаграфіі і анамастыцы.
Асноўныя палажэнні дысертацыйнага даследавання, а таксама распрацаваныя прынцыпы класіфікацыі моўнага матэрыялу могуць быць выка-рыстаны ў тэарэтычных і прыкладных работах па лексікаграфіі і анамастыцы: пры вывучэнні асноўных дасягненняў замежнай і айчыннай металексікаграфіі; пры стварэнні канцэптуальнай гісторыі развіцця беларускай нацыянальнай лексікаграфіі; пры распрацоўцы ўніверсальнай комплекснай тыпалогіі лексікаграфічных выданняў; пры далейшым удасканальванні мега-, макра- і мікраструктуры лексікаграфічных прац розных тыпаў (для вырашэння праблем кадыфікацыі храналагічных варыянтаў тапонімаў, дыялектных і бытавых формаў онімаў, спосабаў фіксацыі ідэнтыфікатараў у слоўнікавых артыкулах, пытанняў прэзентацыі апісальных канструкцый, паслядоўнасці размяшчэння аб’ектнай і атрыбутыўнай частак лем і інш.); пры ўкладанні слоўнікаў анамастычнай і тэрміналагічнай лексікі.
Вынікі дысертацыі і прадстаўлены ў ёй фактычны матэрыял могуць выкарыстоўвацца пры фарміраванні перспектыўных навуковых праграм па далейшым вывучэнні анамастычнай лексікі, забеспячэнні дзейнасці па каталагізацыі геаграфічных назваў (у тым ліку і электроннай) і ажыццяўленні дзяржаўнага кантролю за складаннем нарматыўных даведнікаў і слоўнікаў (тапанімічных і антрапанімічных); пры распрацоўцы нарматыўных актаў, накіраваных на фарміраванне і рэалізацыю адзінага падыходу да найменавання і перайменавання беларускіх тапанімічных аб’ектаў.
Матэрыялы дысертацыйнага даследавання атрымаюць прымяненне ў працэсе выкладання беларускай мовы, тэорыі і практыкі лексікаграфіі ў ВНУ (пры чытанні курсаў сучаснай беларускай мовы, спецкурсаў па лексікалогіі, лексікаграфіі, анамастыцы, гісторыі мовазнаўства); пры стварэнні падручнікаў і вучэбных дапаможнікаў па беларускай лексікаграфіі і анамастыцы.